1° maggio 1924

 

O Maiu chi risbigghij la natura

E simini allegria cu suli d’ oru,

Tu chi d’amuri spandi grand’arsura

E di rosi e di kjuri nu trisoru;

 

Tu di l’ omani armasti la speranza:

E fu pecchissu chi di la lavuru,

Pe simbulu pe fessta e ricordanza,

Lu primu jornu toi fu sacru giuru.

 

E doppu tanta lotta eumbattuta

Di lu lavuraturi martoriatu,

Peccùi la vita sua dassàu mpenduta

Di Cicagu a lifurchi, e supprizziatu

 

Di Spagna a li garroti, e ntra li chiazzi

D’Italia, Francia e di lu mundu interu,

Sparatu, dassàu sangu e carni a strazzi

Duppu ngalera fu ridottu a zeru,

La festa sua la forza superau;

La redenzioni umana amprandu l’ali,

La burghisia arroganti sbarrogau

Chi pe truccu gridau: festa offidali!

 

 E pe tant’anni lu lavuraturi

Godendu la sò festa ndisturbatu

Cu canti, cu fanfarri e cu tamburri,

Cu banderi fiammanti di scarlatu,

 

E cu sciampagnarii veri epicuri,

Lu Primu Maggiu di rivoluzioni

Dimenticau lu scopu e lu culuri,

E di caduti la mindicazioni!…

 

E nci vozzi na menti di tirannu,

N’anima di vindutu tradituri,

Mu ndi ricorda ca stujornu ogn’annu

E’ jornu di riscossa e di congiuri!

Nci vozzaru li morti a centinara!

Li sbirri, li mazzeri e li sassini,

Sequestri cu cazzotti e purg’amara,

Fami, turturi, nzurti e poi catini!

Nci vozzaru li ncendi e distruzioni,

l’odiu, l’unioni e l’ira patrunali,

Mu nsignanu ca la rivoluzioni

Si fa cu la violenza e lu pugnali!

E torna, torna Maggiu di speranza;

Torna russu du rosi e nsanguinatu,

Torna mindicativu e cu bardanza

Prepara a gran battaglia fu seiancàtu!

  

Rivindica l’affanni seculari

Cu la sommossa santa e ponderata,

M’appiccica di focu munti e mart:

Mu squagghia l’ oppressuri a na fumata.

E poi mu schiari l’aria mbarzamata,

Mu surgi di gran suli aurora nova

La turba di l’oppressi mindicata

L’anima mu riscarda e mu rinnova!

E a l’umbra di nu grandi monumentu

Allora la gran pasca celebramu;

Senza tiranni cchiù nè sfruttamentu

L’innu Bandera russa ricantamu.

E torna Maggiu d’amuri e ricordanza,

Torna Maggiu di rosi e di speranza.