Doluri di ‘na mamma

 

Sbentura chi mmi vinni sta matina;

chi preju mi levàu sta malanova;

aspettavu ddu’ figghi d’Argentina

ed unu sulu ccà cu’ mmia si trova.

Chidh’atru, comu nenti, lu perdìa!

Cusì, povara mamma, lu ciangìa.

Na brutta premuniti furminanti,

la vita, mmenza a nnenti, nci-astutàu,

restaru ncapunati ‘i navicanti,

di chidha sorti ognunu si spagnàu.

Stu me’ doluri, cu’ lu po’ sanari!

Povaru figghiu … jaci ‘n pundu a-u mari!

Lu mortu, ntra lu luttu, lu ciangénu,

parenti, zii, niputi, li cummari:

Micuzzu, figghiu caru, nci dicénu:

Accussì ‘a mala sorti vozzi fari.

E mmò riposi ‘n paci pe’ nneternu

a hhiancu di lu randi Patraternu.

E mentri secutavanu ‘u lamentu

nci fu nna cosa… mai si vitti ‘guali.

Arrivàu nu gabbianu a nnu mumentu,

chiamandu: Mamma, papà, tali e quali.

Ntra ‘u sinu di la matri si posàu,

mangiari sulu d’idha nd’accettàu.

Restaru, li prisenti, annichiliti,

carcunu si sbeniu pe’ la pagùra.

Nc’ìssaru a lu gabbianu: Vu’ cu’ siti?

Voliti mu mangiati? Aviti arzura ?

Voliti riposari? Siti stancu?

Vasciàu la testa e ssi votàu di hiancu.

Circulàu ntra nnu creddiu la notizzia,

ognunu dha ‘mprecava ‘a mala sorti,

assistìa a lu doluri cu’ mestizzia,

recitandu ‘u rosariu pe’ li morti.

Moriu prestu, ‘u gabbianu, di matina,

poi fudi ‘mbarzamatu dha a Missina.

Lococo si chiamava sta fàmigghia

ed era di Nicotera Marina.

Partiu la mamma, vecchia, cu la figghia

portandu lu gabbianu in Argentina.

Di patri a figghiu veni ricordatu

chidhu destinu di lu ziu ‘migratu.